Istorias de Miriam
- Daniel Santacruz
- 4 days ago
- 1 min read
Updated: 2 days ago
Kantika para Purim
( (Palavras i múzika por Miriam Sherman)
De ke empesa el mez de Adar
muchigua la alegría.
Dunke yo kero partajar
esta mueva poezía.
Kuando entramos en Adar
Purim kale fiestar.
Platikos vamos a mandar,
l la Megilá meldar.
El bueno Mordehai kudió
a la djóvena Ester.
Después a eya la mandó
a la kaza del Rey.
De la ermoza Reina Ester
el Rey se enamoró.
I Mordehai kon su saver
el plan de Amán topó.
La brava muy kerida Ester
al Rey lo konvensió.
Amán no deverá venser,
muestro puevlo es mijor.
El Rey kon Mordehai i Ester
salvó a los yehudim.
Dezde akel día es menester
fiestar muestro Purim.
Yegó Purim
(Palavras por Miriam Sherman - Kantado komo Aní Purim)
Yegó Purim, yegó Purim
i kale estar orozo
Oy es un día de fiestar
i gozar sin repozo. La, la, la ...
Kada Purim, kada Purim
la megilá meldamos,
muy muncho bruido kale azer
kuando a Amán nombramos. La, la, la ...
Para Purim, para Purim
tenemos los platikos
kon todo modo de dulsor,
ke son tan savrozikos. La, la, la ...
שָׂמֵחַ וּמְבַדֵּחַ
הֲלֹא רַק פַּעַם בַּשָּׁנָה
אָבוֹא לְהִתְאָרֵחַ לַ לַ לַ...
רַבִּי פּוּרִים, רַבִּי פּוּרִים
,אֱמֹר נָא לִי מַדּוּעַ
מַדּוּעַ לֹא יָחוּל פּוּרִים
פַּעֲמַיִם בַּשָּׁבוּעַ לַ לַ לַ...
הֵידָד פּוּרִים, הֵידָד פּוּרִים
,הַכּוּ תֹּף וּמְצִלְתַּיִם
הוֹ מִי יִתֵּן וּבָא פּוּרִים
לְחֹדֶשׁ לְחָדְשַׁיִם לַ לַ
_____________________________________________
La autora mora en California.
March 2, 2026
Marzo 2 de 2026
Comments