Istorias de Miriam
Updated: 3 hours ago
Dulses rekodros de Rosh Ashaná
Por Miriam Sherman
Tanto komo me puedo akodrar, Rosh Ashaná—komo dizíamos en la famiya, Roshaná—era un tiempo muy espesial del anyo. Munchos días antes de la fiesta mi mamá, empesava a alimpiar i fregar kada rinkón i rinkón—del patín al techo—asta ke todo estava briyando.
También avía ke trokar kortinas, sávanas, kolchas, sovrekamas i tapetes. Endemás, gizava i ornava sin parar i traía a la kaza kada modo de frutas. En este momento i no antes, mi mamá respirava ondo i mos anunsiava a todos ke la kaza a la fin golía i se vía komo Roshaná.
En mi chikez, yo kontava kon ansia los días asta la yegada de la fiesta. Notava kada trokamiento kuando tornava de la eskola trayendo kartas de Roshaná i kantando kantikas de Roshaná, i ansina podía partajar la emosión de mi mamá. Kuando a la fin yegava Roshaná, mi papá venia a kaza kargado de ermozas flores, espesialmente glayoles de kolores las más maraviyozas.
Endemás, avían también los fustanes i los kalsados muevos para empesar el muevo anyo, i ansina vestidos muy ermozos, mos ívamos toda la famiya al Kal. Muestra keilá, en Guadalajara, Meksiko, era muy chika, ansí ke todo el anyo los ashkenazís i los sefaradís mos asentávamos endjuntos en una kámara, ma en Roshaná i Kipur no avía espasio para todos i dunke mos ívamos kada uno a su lugar.
Asentada al lado de mi mamá, admirava las kuviertas blankas de los Sifré Torá i sus koronas tan briyantes kon kampanikas ke sonavan al kargarlos. Daínda me viene al tino kuando me asentava en las piernas de mi avuelo i tratava de kantar kon los ombres . . . Munchos anyos después me apersivi ke ansina fue ke me ambezí muestro Yigdal sefaradí!
Ma de más en más, tratava de entender todas las palavras de la tefilá, espesialmente los piyutim de Roshaná. Me akodro pensar ké interesantes eran estas palavras i las istorias en el Mahzor. Kada anyo i anyo i asta oy, me interesava muncho kantar i meldar la kantika de la Akedá. Endemás, avía menester de meldar también munchas esplikasiones en el Mahzor ke estavan eskritas en ladino kon letras de Rashi.
En akeya edad, yo no savia ké eran estas letras ebreas ke se vían tan estranyas. Era algo inkreívle I fasinante ke kalía eksplorar! Palavras ke paresían espanyol, ma no djusto djusto. Kreigo ke desde akeyos días empeso mi amor por muestra lingua. Komo dize el refrán, “Keresh deskuvrir djudezmo kon alegria andadvos al kal kon prisa i lejería!”
I aunke la tefilá era larga, todos esperávamos a oír el shofar, ke kon su eko inchía el tiempo i el espasio i también muestros korasones kon una orasión por un anyo de vida, de paz, de salud buena i de alegrías para todos.
____________________________________
La otora mora en Kalifornia.
__________________________________________________________________________________
Dulces recuerdos de Rosh Hashanah
Por Miriam Sherman
Desde que tengo memoria, Rosh Hashanah —o como decíamos en la familiam Roshaná— era un tiempo muy especial del año. Muchos días antes de la fiesta, mi mamá empezaba a limpiar y fregar cada rincón —del suelo al techo— hasta que todo brillaba.
También había que cambiar cortinas, sábanas, fundas, colchas y tapetes. Además, cocinaba y horneaba sin parar y traía a la casa todo tipo de fruta. En ese momento, y no antes, mi mamá respiraba hondo y nos anunciaba a todos que la casa por fin olía y se veía como Roshaná.
En mi niñez, yo contaba con ansia los días hasta la llegada de la fiesta. Notaba cada cambio cuando regresaba de la escuela trayendo tarjetas de Roshaná y cantando canciones de Roshaná, y así podía compartir la emoción de mi mamá. Cuando por fin llegaba la fiesta, mi papá venía a casa cargado de hermosas flores, especialmente gladiolas de los colores más maravillosos.
Además, había también vestidos y zapatos nuevos para empezar el año nuevo y así, vestidos muy lindos, nos íbamos toda la familia a la sinagoga. Nuestra comunidad, en Guadalajara, México, era muy chica, así que todo el año los ashkenazíes y los sefaradíes nos sentábamos juntos en un salón, pero en Roshaná y Kipur no había espacio para todos y por eso cada uno iba a su lugar.
Sentada junto a mi mamá, admiraba las cubiertas blancas de los Sifrei Torah y sus coronas tan brillantes con campanitas que sonaban al cargarlos. Todavía me acuerdo cuando me sentaba en las piernas de mi abuelo y trataba de cantar con los hombres … ¡Muchos años después me di cuenta de que fue así que me aprendí nuestro Yigdal sefaradí!
Pero mayormente trataba de entender todas las palabras del rezo, especialmente los piyutim* de Roshaná. Me acuerdo que pensaba qué tan interesantes eran esas palabras y las historias en el Majzor. Cada año y hasta hoy, me interesaba mucho cantar y leer la canción de la Akedah. Además, había que leer también muchas explicaciones en el Majzor, que escritas en ladino con letras de Rashi**.
A esa edad, yo no sabía qué eran esas letras hebreas que se veían tan raras. ¡Era algo increíble y fascinante que había que explorar! Palabras que parecían español pero no exactamente. Creo que desde aquellos días empezó mi amor por nuestra lengua. Como dice el dicho, “Si quieren descubrir el judaísmo con alegría, vayan a la sinagoga con prisa y ligereza”.
Y aunque los rezos eran largos, todos esperábamos para oír el shofar, que con su eco llenaba el tiempo y el espacio, y también nuestros corazones con una oración para un año de vida, de paz, de salud buena y de alegrías para todos.
____________________________________
Poemas litúrgicos judíos para ser cantados o recitados durante festividades y acontecimientos del ciclo vital en la sinagoga.
** Tipografía hebrea basada en la escritura semicursiva sefardí del siglo XV.
____________________________________
La autora vive en California
__________________________________________________________________________________
Sweet memories of Rosh Hashanah
By Miriam Sherman
As far as I can remember, Rosh Hashanah—or as we said in the family, Roshaná—was a very special time of year. Many days before the holiday, my mom would start cleaning and scrubbing every single corner—from floor to ceiling—until everything was shining.
In addition, curtains, sheets, pillow-cases, bedspreads, and rugs had to be changed. Furthermore, she cooked and baked without stopping, and brought home all kinds of fruits. At this moment, and no sooner, my mom would take a deep breath and announced to one and all that the house finally smelled and looked like Roshaná.
In my childhood, I would anxiously count the days until the arrival of the holiday. I would notice each change as I came home from school, bringing Rosh Hashanah cards and singing Rosh Hashanah songs, and this way I was able to share my mother’s excitement. When the festivity finally arrived, my dad would come home loaded with beautiful flowers, especially gladioli of the most wonderful colors.
In addition, there were the new dresses and shoes to start the new year and thus, beautifully dressed, the whole family would go together to the synagogue. Our community, in Guadalajara, México, was very small, so during the year the Ashkenazim and the Sepharadim would sit side by side in a room, but in Rosh Hashanah and Yom Kippur there was not enough room for everyone, so we would each go to their own place.
Sitting next to my mom, I admired the white covers of the Sifrei Torah and their beautiful crowns, so shiny and with small bells that rang as they were being carried. I can still remember when I sat on my grandfather’s lap, and tried to sing with the men . . . Many years later I realized that this was how I learned our Sephardic Yigdal!
But mostly, I would try to understand all the words of the prayers, especially the piyutim* for Rosh Hashanah. I remember thinking how interesting were these words and the stories in the Mahzor. Every year up to today, I was very interested in singing and reading the song of the Akedah. Furthermore, there were many explanations to read in the Mahzor, written in Ladino with Rashi letters**.
At that age, I did not know what those very strange-looking Hebrew words were. It was something incredible and fascinating to be explored! Words that looked like Spanish but not exactly. I think that it was since those days that my love for our tongue began. As the saying goes, “If you want to discover Judaism with joy, go to the synagogue with haste and nimbleness!”
And even though the prayers were long, we all waited to hear the shofar, whose echo filled time and space, and also our hearts.
____________________________________
Jewish liturgical poems meant to be chanted or recited during holidays and life-cycle events in the synagogue.
** Hebrew typeface based on 15th-century Sephardic semi-cursive handwriting.
____________________________________
The author lives in California.
___________________________________
September 18, 2026.
18 de septiembre, 2026.
Comments