Kuentos de Nissim
Updated: 4 hours ago
Un amor nasido de las senizas del Holokosto
Por Nissim Ashkenazi
ENGLISH AND SPANISH BELOW
Ya pasaron anyos de akea epoka kruela del Holokosto, i dainda sintimos konsejas i istorias de akel tiempo, ke te dan emosion, pena sufriensa i dolor.
Antes de la Gerra Segunda Mondiala se topo en la komunidad djudia en Salonik un mansevo, Aaron, i una manseva, Mari, amigos de alma i korason kon grande amor, i klaro ke los penserios eran de kazarsen i fraguar famia en el avenir. Eran orozos, i se enkontravan kon alegria.
Ama el destino penso de manera diferente.
Aaron era kapache en sus lavoros, i Mari era shastra talentoza i reushida. Todos la amavan, i eya ayudo a todos kon su ofisio, en kuziendo i adovando las vistimientas. Kuzio afilu velas, ronias i savanas. Ya tokava la ropa, ya savia kualo fazer, talento ke aresivio de los sielos.
Una famia grega rika sintio sovre Mari i la envitaron ke sea la shastra de famia, onde ke avia siempre lavor.
Las tadres se enkontrava kon Aaron i pensavan kon dolsura sovre el avenir. Ama la gerra empeso i trusho sar a las almas. Los alemanes entraron a Salonik en djulyo de 1942, arekojeron a todos los ombres djudyos en la Plasa de la Patriya, los arebasharon, i los mandaron a los kampos de la muerte de Aushvits-Birkenao.
19 transportes kon vagones de animales yevaron la komunida entera de los djudyos de la sivdad a los kampos de konsentrasion, i en tiempo kurto ya estavan kemados. Muchos djudios rezios se puediyan salvar en korer, fuir, o eskonder, ama el ayre i el respekto a la famiya no desho abandonar a la famiya i se kedaron kon los parientes asta la muerte.
Aaron fue tomado i arevo kon los trenos pretos a Aushvits.
La famiya grega vido ke Mari esta en perikolo i la eskudieron, se salvo i se kedo kon eyos.
Aaron, kon mucha sufriensa, paso el gehinam de los kampos, flak, palido, hazino i flosho, sin esperansa, i sin saver kualo fazer, kaminando i bushkando en la Evropa. Un diya enkontro un Selanikli ke le konto ke todos de Salonik fueron matados. Este haber lo fizo a Aaron medio muerto. Paso tiempo i suvio a Israel, i fizo esforsos para kontinuar la vida.
Estava desasperado i un diya, en kaminando en la kaledja Levinski en Tel Aviv, se enkontro kon un Selanikli konosido ke le konto ke la vieron a Mari en Salonik de etras de la gerra.
Este haber le trusho un shok de enerdjiya i se fizo komo un arvole seko ke le vino agua. Se enrezio i desidio a irse a Salonik i bushkar su amor.
La famiya ke salvo a Mari troko kaza i Aaron bushko information sovre el adreso muevo, ke topo. Kon piezas tetereando, apreto el suneri de la puerta de la kaza i la puerta se avrio, Aaron estava en frente de eya. La abraso i las lagrimas de alegriya amostran la sufriensa i dolor ke pasaron los dos, sin ke tengan ninguna kulpa, solo ke son djudios.
La famiya grega vido ke dos luses amatadas empesaron a relumbrar de muevo.
Los dos suvieron a Israel, rapidamente se kazaron i se unaron kon Redjina, la ermana de Mari, ke bivio en Israel kon su marido, Avram Levi. Trusheron al mundo dos ijas i un ijo. El ijo es Yosi Leja*, uno de los djugadores famozos de basketbol en Israel del ekipo Makabi Tel Aviv.
Aaron i Mari son el simbolo de djente fuerte, ke salieron de la siniza i trokaron el destino, fraguaron kaza en Israel i enreziaron la dicha. Ya desharon la vida buena, ama mos amostraron ke devemos estar siempre kon esperansa, afilu en tiempos pretos i eskuros ke pasaron los djudios.
Sus almas ke topen repozo en Gan Eden.
_____________________________________
* Yossi Leja gano ocho kampionatos de liga kon Maccabi Tel Aviv en los anyos 1960 i 1970, i murio en oktobre de 2024 aedado de 75 anyos.
___________________________________
El otor mora en Kiryat Motskin, Israel.
__________________________________________________________________________________
A love born from the ashes of the Holocaust
By Nissim Ashkenazi
Years have passed since that cruel era of the Holocaust, yet we still hear tales and stories from that time that stir emotion, sorrow, suffering and pain.
Before the Second World War, a young man named Aaron and a young woman named Mari lived in the Jewish community of Thessaloniki. They were devoted to each other and deeply in love, and naturally, they dreamed of marrying and starting a family in the future. They were happy and it was all joy when they got together.
But fate had other plans.
Aaron was very good at his job, and Mari was a talented and successful seamstress. Everyone loved her, and she helped them with what she knew best: sewing and mending. She even sewed veils, pillowcases and sheets. As soon as she touched a piece of fabric, she knew what to do—a talent bestowed upon her by heaven.
A wealthy Greek family heard about Mari and invited her to become their family seamstress, since there was always work for her there.
In the evenings, she would meet Aaron, and they would sweetly dream about the future. But the war began and brought anguish to their souls. The Germans entered Thessaloniki in July 1942, rounded up all the Jewish men in Eleftherias Square, humiliated them, and sent them to the death camps of Auschwitz-Birkenau.
Nineteen transports in cattle cars carried the city’s entire Jewish community to the camps, and within a short time they had been burned to death. Stronger Jews could have saved themselves by running away, fleeing, or hiding, but their honor and devotion to their families would not allow them to abandon them, so they they remained by their side until death.
Aaron was detained and taken to Auschwitz on one of the fateful death trains.
The Greek family saw that Mari was in danger, so they hid her. She survived and stayed with them.
Despite suffering greatly, Aaron survived the hell of the camps. Thin, pale, sick and weak, without hope and not knowing what to do, he wandered through Europe searching. He met a man from Thessaloniki who told him that everyone there had been annihilated. This news left him heart broken. Some time passed, and he immigrated to Israel, where he struggled to rebuild his life.
He was desperate and one day, while walking down Levinsky Street in Tel Aviv, he ran into an acquaintance from Thessaloniki who told him that Mari had been seen there after the war.
This news gave him a boost of energy and and he felt like a tree being watered. He regained his strength and decided to go to Thessaloniki to look for his beloved.
The family that had saved her had moved and he sought information about their new address, which he eventually found. With trembling legs, he rang the doorbell of the house. The door opened, and Aaron stood face-to-face with Mari. He embraced her, and the tears of joy showed the suffering and pain they both endured, though no fault of their own—simply because they were Jews.
The Greek family saw two extinguished lights begin to shine again.
The couple immigrated to Israel, quickly married, and joined Mari’s sister, Regina, who lived in Israel with her husband, Avram Levi.
They brought two daughters and a son into the world. Their son is Yosi Leja*, one of Israel’s famous basketball players, on the Maccabi Tel Aviv team.
Mari and Aaron are symbols of strong people who rose from the ashes and changed their destiny. They built a home in Israel founded on happiness. They have since passed away, but they showed us that we must always remain hopeful, even during the bleak and dark times the Jews have endured.
May their souls find rest in Heaven.
___________________________________
The author lives in Kiryat Motzkin, Israel.
___________________________________
* Yossi Leja won eight league championships with Maccabi Tel Aviv during the 1960s and 1970s, passing away in October 2024 at age 75.
Translated by Daniel Santacruz
________________________________________________________________________________
Un amor nacido de las cenizas del Holocausto
Por Nissim Ashkenazi
Han pasado años desde aquella cruel época del Holocausto; sin embargo, aún escuchamos relatos e historias de entonces que despiertan emociones, tristeza, sufrimiento y dolor.
Antes de la Segunda Guerra Mundial, un joven llamado Aaron y una joven llamada Mari vivían en la comunidad judía de Salónica. Se profesaban gran devoción y estaban profundamente enamorados; naturalmente, soñaban con casarse y formar una familia en el futuro. Eran felices y todo era alegría cuando se encontraban.
Pero el destino tenía otros planes.
Aaron era muy competente en su trabajo, y Mari era una costurera talentosa y exitosa. Todos la querían, y ella ayudaba a los demás con lo que mejor sabía hacer: coser y remendar. Incluso cosía velos, fundas de almohada y sábanas. En cuanto tocaba una tela, sabía qué hacer; era un don que el cielo le había dado.
Una familia griega adinerada supo de Mari y la invitó a trabajar como costurera para ellos, ya que siempre había labor para ella en su hogar.
Por las tardes, ella se reunía con Aaron y juntos soñaban dulcemente con el futuro. Pero estalló la guerra y la angustia se apoderó de sus almas. Los alemanes entraron a Salónica en julio de 1942, llevaron a todos los hombres judíos en la Plaza Eleftherias, los humillaron y los enviaron a los campos de exterminio de Auschwitz-Birkenau.
Diecinueve convoyes de vagones para ganado transportaron a toda la comunidad judía de la ciudad a los campos y en poco tiempo todos habían perecido en las cámaras de gas. Los judíos más fuertes habrían podido salvarse escapando, huyendo u ocultándose, pero el honor y la devoción a sus familias no les permitían abandonarlas; por ello, permanecieron a su lado hasta la muerte.
Aaron fue detenido y enviado a Auschwitz en uno de los fatídicos trenes de la muerte.
La familia griega comprendió que Mari corría peligro y la ocultó. Ella sobrevivió y permaneció con ellos.
A pesar de haber sufrido enormemente, Aaron sobrevivió al infierno de los campos. Delgado, pálido, enfermo y débil, sin esperanza y sin saber qué hacer, vagó por Europa en busca de respuestas. Se encontró con un hombre de Salónica que le dijo que todos los miembros de la comunidad habían sido aniquilados, noticia destrozó su corazón. Pasó algún tiempo y emigró a Israel, donde luchó por rehacer su vida.
Estaba desesperado y un día, mientras caminaba por la Calle Levinsky, en Tel Aviv, se encontró con un conocido de Salónica que le dijo que habían visto a Mari allí después de la guerra. Esta noticia le dio un impulso de energía y se sintió como un árbol al que se riega. Recuperó las fuerzas y decidió ir a Salónica a buscar a su amada.
La familia que había salvado a Mari se había mudado; él buscó información sobre su nueva dirección y finalmente la encontró. Con las piernas temblorosas, llamó al timbre de la casa. La puerta se abrió y Aaron se encontró cara a cara con ella. La abrazó, y las lágrimas de alegría reflejaron el sufrimiento y el dolor que ambos habían vivido, que no era culpa suya, simplemente por ser judíos.
La familia griega vio cómo dos luces que se habían apagado volvían a brillar.
Aaron y Mari emigraron a Israel, se casaron poco después y se reunieron con la hermana de Mari, Regina, quien vivía en Israel con su esposo, Avram Levi. La pareja tuvo dos hijas y un hijo. Su hijo es Yosi Leja*, uno de los jugadores de baloncesto más famosos de Israel, integrante del equipo Maccabi Tel Aviv.
Los dos son símbolos de fortaleza: resurgieron de las cenizas y cambiaron su destino. Formaron un hogar en Israel cimentado en la felicidad. Ya han fallecido, pero nos enseñaron que siempre debemos mantener la esperanza, incluso durante los tiempos sombríos y oscuros por los que los judíos han tenido que pasar.
Que sus almas descansen en el cielo.
___________________________________
El autor reside en Kiryat Motzkin, Israel.
___________________________________
*Yossi Leja ganó ocho campeonatos de liga con Maccabi Tel Aviv durante las décadas de 1960 y 1970. Falleció en octubre de 2024 a los 75 años.
___________________________________
Traducido por Daniel Santacruz
___________________________________
September 16, 2026.
26 de septiembre de 2026.
Comments