El konsejero
- Daniel Santacruz
- May 16
- 6 min read
Updated: May 16
Por Nissim Ashkenazi
El kuento del mes
ENGLISH BELOW
Moni, de Israel era indjinier, espesialisto de resolvar problemas de agua en la agrikoltura, divizar, roterar, arregar, i mas de todo, pompas para los kampos i las guertas.
Un anyo estava embiyado a un pais en la Afrika para konsultar i adelantar la agrikultura, ke estava mui atrazada.
En este pais avia un rey kon dos ijos. Las relasiones entre Israel i el otro pais eran amikales. Kon sekreto le apegaron a Moni el ijo jovino del rey kon el buto ke se ambeze i entienda las difikultades.
Moni savia ke es el ijo del rey i se izieron amigos kon kerensia buena.
El ijo se yamava Abdul, era talentozo, modeste i amikal.
El lugar onde lavoravan se yamava “El kampo de las pompas,” onde se topo la atulie, alates instrumentes i materyales. Kada diya lavoravan, kumian, bevian, komo amigos i a la noche, Moni atornava al apartamento arkilado serka de la sivdad, i Abdul atornava al plasio.
Un dia sintio Moni dubara i muvimiento i salio del ofisio i demando a los lavoradores kualo akuntesio. La repuesta era ke ay revolusion en el pais i estan bushkando a los ke saportan al rey.
Moni yevo a Abdul a su apartamento arkilado, ke era en un deredor kalmo i pastoralo. Le disho ke no salga asta ke van entender lo ke pasa.
Moni se akupo de todo, la kumida, livros, jornales i revistas.
En esta forma estava Abdul eskondido en tiempo moi perikolozo para la famia royal. El pais se topo en manos de una junta militara kruela i el puevlo no estava kontente del todo. La situasion ekonomika se deteryoro i vino mankeza i sufriensa.
Moni i Abdul dechidieron de fuir del pais. Ya pasaron tres mezes en la revolusion i no avian sinyales ke se va amijurar.
Una noche salieron kon komanya i kaminaron oras, suvieron muntanias, pasaron rivieres enadando i traversaron la frontiera del pais. En el pais vizino entindieron de onde salieron i les ayudaron.
Manko de una semana se toparon los amigos sanos i rezios en Paris. Moni presento Abdul al empiegado de la ambasada israeliana, abraso a su amigo i se atorno a Israel.
Ses mezes pasaron i la famia de Abdul atorno al poder, i el ermano grande de Abdul fue koronado komo el rey del estado. Su padre fue asasinado en el primer dia de la revolusion. Abdul se atorno al pais i se izo la mano derecha de su ermano, el rey.
Kuarenta anyos pasaron i Moni, komo pensioner, salio kon un grupo viajando a la Afrika en un paseo organizado kon gia ke konose los paezes. Uno de los paezes vijitados era onde Moni servio komo konsejero de agua antes muchos anyos. Al segundo dia del paseo se aserkaron a la plasa grande onde se topa el palasio del rey, kontornado kon murayas. Al lado de la entrada prisipala aposaron askieres armados i un empiegado vistido kon kostium i singyales de importensia. Moni se aserko i rapidamente vino el empiegado diziendo ke es defendido de aserkar i de fotografear.
—Bueno, komo se yama el rey? — disho Moni.
—Se yama el Honorado Abdul el primo, lo kieremos bien, i trusho mucho progreso a muestra tyerra — arespondio el ofisier.
Moni le arogo ke konte al sekreter del rey ke Moni, del “kampo de las pompas” esta en la entrada del palasio.
Moni se alonjo i atorno a su grupo.
Pasaron dies puntos i del palasio salio un otomobil ermozo onde iba el rey Abdul akompanyado kon el ofisier bushkando al turist Moni.
Se enkontraron los dos amigos i se abrasaron en frente de todos kon bokas aviertas de la suprisa i de la maravia.
Moni i su grupo eran envitados al palasio, i mani mani, se organizo una fiesta kon kumidas delishyozas, kantadores i bayladeras del folklor lokal.
El rey le konto a Moni ke su ermano esta chazino i lo koronaron a Abdul, antes sinko anyos. El rey le dio a Moni todos los gastes ke pago Moni al tiempo ke lo eskundio i, naturamente ke ajusto mucho mas.
La noche salyeron los amigos del grupo kon regalos i entusiasmo de lo ke pasaron, i kon una demanda kon koryozidad de onde salio esta adventura maraviyoza.
Moni les konto i disho: “Si azes bueno en tu vida un diya te atorna i a ti la buenda.”
Nissim Ashkenazi mora en Kiryat Motskin, Israel.
The Consultant
The tale of the month
By Nissim Ashkenazi
Israeli-born Moni was an engineer who specialized in solving agricultural water problems. His work involved land division and irrigation, and especially water pumps for fields and orchards.
One year he was sent to a country in Africa as a consultant to modernize their agriculture, which was very backward.
In this country lived a king with two sons. The relations between Israel and that country were friendly. In secret, Moni was assigned the king's younger son so that the boy could learn and understand the difficulties of the job.
Moni knew it was the king’s son and they became friends and got along well.
The son’s name was Abdul and he was talented, modest and friendly.
They worked in a place called “The pump’s field,” where tools and materials were kept. They worked, ate and drank like friends. At night, Moni went back to his rented apartment, near the city, and Abdul, to his palace.
One day Moni heard noise and commotion, and left his job and asked the workers what was going on. They replied that a revolution had broken out and that the king's supporters were being sought.
Moni took Abdul to his apartment, located in a quiet and bucolic area, and told him not to leave until they figured out what’s going on.
Moni took care of everything, including food, and provided him with books, newspapers and magazines.
That way Abdul remained hidden during a time of danger for the royal family. The country fell into the hands of a cruel military junta and the people were anything but happy. The economic situation deteriorated, and scarcity and suffering arose.
Moni and Abdul decided to flee as the revolution had already been going on for three months and there were no indications things were going to improve.
One night they left with food for the road, walked for hours, climbed mountains, swam through rivers and crossed the country’s borders. In the neighboring country they understood where they came from and helped them out.
In less than a week the two friends found themselves in Paris, safe and sound. Moni introduced Abdul to a functionary of the Israel embassy, hugged his friend and went back to Israel.
Six months passed and Adul's family returned to power, and his older brother was crowned king. Their father was assassinated on the first day of the revolution. Abdul returned to the country and became his brother's right-hand man.
Forty years passed, and Moni, now retired, traveled with a group to Africa, led by a guide familiar with the region. One of the countries visited was the one where Moni worked as a consultant. On the second day of the trip, they went to the city's main square, where the king's walled palace was located. Moni approached the main entrance, guarded by armed soldiers, and a man in uniform with an air of importance quickly walked up to him and told him that it was forbidden to get close and to take photos.
"Well, what's the king's name?,” Moni asked.
"His name is Honorable Abdul I. We love him very much, and he brought much progress to our land,” answered the man.
Moni begged him to tell the king's secretary that Moni, the man who worked with the pumps, was at the palace entrance.
After that Moni returned to the group.
Ten minutes later, a beautiful car left the palace, in which King Abdul and the official were traveling, hoping to find Moni, the tourist.
The two friends met and hugged each other in front of everyone, who were left with their mouths open in surprise and amazement.
Moni and his group were invited to the palace and in no time a party was organized with delicious food, singers and folk dances.
Abdul told Moni that his brother was ill and that he had been crowned five years earlier. The king gave him the money for all the expenses he had incurred while in hiding and, naturally, threw in much more.
That night, the group members left with gifts and happy about the time they had spent. They asked, curiously, what the reason for such a wonderful adventure had been.
Moni told them and said: “If you do good in life, one day goodness will return to you."
Nessim Ashkenazi lives in Kiryat Motskin, Israel.
_____________________________
Translated by Daniel Santacruz
May 15, 2025
Comentarios